Nyekar

 

Nang
dina kemis grimis

Donga-donga
padha medhun

Sekang
langit kepitu

Methuk
malekat

Sing
nggendong berkahe langit

Srengenge
tambah angslup

Slurup
dadi rep sing asrep

 

2017

 

 

Jangkrik

 

Ana
wektu jangkrik-jangkrik

Padha
faseh nyelawati wengi

Krik
krik krik

Krik
krik krik

Biyunge
sapa sing durung turu

Biyunge
bocah sing nurokna bocah

Dikancani
onine jangkrik

Selawat
alam

Sing
siki diganti

HP
karo tivi

 

2016

 

Guru

 

Dudu
guru

sing
digugu ditiru

Ningen
rama biyungmu

Madrasah
budi pekertimu

Kringete
sing milini

Donga-donga

 

2017

 

 

Sinding

 

Yakuwe
sawah sing semending

Ora
dawa ora amba

Ning
mberkaih

Iwak
bethik

Iwak
sepat siyem

Iwak
bayong

Iwak
sepat jawa

Iwak
lunjar

Iwak
curing

Iwak
jaer

Iwak
Lele

welut

Umaeh
iwak-iwak

Sinding
sing

Kahanane

Ora
kesanding

Pindah
maring

Piring-piring

 

2016

 

Tangi
Turu

 

Saben
wengi nyong angel turu

Saben
esuk nyong angel tangi

Karepane
seduwur lintang-lintang

Sing
gemebyar nang langit

Saya-saya
ana motor mabur

Liwat
sekang wetan

Ditembangi

“motor
mabur njaluk duwite,

Ora
ulih sogok silite”

Ningen
urip

Jere
kaki nini

Dudu
angenan

Sing
gur ditembangi

Kudu
ditemenani

 

2018

 

 

 

 Penulise

*) Ahmad Sultoni, Dosen nang Institut Teknologi
Telkom Purwokerto. Siki agi sinau nang Program Doktoral Pendidikan Bahasa
Indonesia UNS. Buku puisi Dongeng Pohon Pisang (2019) dadi karya
pertamane, lan “Selepas Musim Menjauh” (Jejak Pustaka, 2021) dadi karya
kelorone. Siki manggon nang Adipala, Cilacap, Jawa Tengah.